Bókaútgáfan Hólar

Molar
- 30/07/2025
  (#)
  JÓNA - atkvæði og ambögur
  
  Það er full ástæða til að vekja athygli ljóðaunnenda og þeirra sem þess utan hafa gaman af galgopahætti, sem á það til að fara hárfínt yfir strikið, á ljóðabókinni Jónu - atkvæði og ambögur, en hún geymir úrval ljóða hins snjalla hagyrðings Jóns Ingvars Jónssonar, sem því miður kvaddi okkur allt og snemma. Þarna er margan snilldarkveðskapinn að finna svo að ekki sé fastar að orði kveðið.
- 27/08/2024
  Hólabækur ungast út! (#)
  Bækurnar frá Bókaútgáfunni Hólum streyma nú hver af annarri úr prentsmiðjunni og auðvitað er þeim dreift strax í bókabúðir. Unglingabókin ÓLGA var fyrsta bók ársins, síðan kom göngugarpabókin KINNAR- OG VÍKNAFJÖLL, þá TIL TAKS - ÞYRLUSAGA LANDHELGISGÆSLU ÍSLANDS - FYRSTU 40 ÁRIN, og nú síðast FIMM AURAR - Fyndnustu brandarar í heimi! Fleiri eru svo væntanlegar áður en langt um líður, m.a. bækur um knattspyrnu, hjátrú, síld, fugla, mest notaða orðasamband í heimi (já, hvert skyldi það nú vera?) og Drottninguna í Dalnum, fyrir nú utan bráðskemmtilegt smásagnasafn og spurningabók. Þið ættuð því endilega að fylgast með væntanlegum útgáfufréttum á holabok.is.
- 25/04/2023
  Fyrsta bók ársins 2023 (#)
  Þá er fyrsta Hólabók ársins 2023 komin út. Hún heitir Hormónar og fleira fólk - Missannar sögur frá síðustu öld, er eftir Halldór Ólafsson, og saman stendur af fjölmörgum smellnum sögum og vísum. Er ekki tilvalið að fara brosandi og jafnvel skellihlægjandi inn í sumarið?
- 12/01/2022
  Anna Kristine látin (#)
  Anna Kristine Magnúsdóttir Mikulcákova lést nú í ársbyrjun. Bókaútgáfan Hólar gaf út tveir bækur eftir Önnu, Milli mjalta og messu, sem byggði á samnefndum og vinsælum útvarpsþáttum hennar, og Með létt skap og liðugan talanda, sem er ævisaga Möggu í Dalsmynni. Báðar bækurnar nutu vinsælda, enda var Anna fundvís á viðmælendur og kunni þá list að leita eftir því markverða og segja þá sögu vel og heiðarlega. Blessuð sé minning Önnu Kristine.
- 26/12/2021
  Fugladagbókin 2022 (#)
  Margir hafa þann skemmtilega sið að skrá hjá sér eitt og annað í dagbækur. Senn lýkur þessu ári og því viljum við Hólamenn minna á Fugladagbókina 2022, sem er í rauninni miklu meira en hefðbundin dagbók. Þar er að finna fróðleik um 52 fugla - einn fyrir hverja viku, marga svokallaða flækinga hér á landi, auk glæsilegra mynda af þeim. Fyrir fuglaáhugafólk er tilvalið að punkta hjá sér ýmislegt í bókina varðandi fugla, s.s. hvenær þessi fugl sást og þá hvar. Svo má vitaskuld nota dagbókina eins og hverja aðra og punkta hjá sér hvaðeina sem gott er að eiga skráð. Bókin er mjög hentug og t.d. fyrir fuglaáhugamenn má nefna að hún fer einkar vel í tösku. Því er tilvalið að grípa hana með sér í fuglaskoðun.
  
  Fugladagbókin 2022, sem er eftir Sigurð Ægisson, er sannkölluð gersemi á meðal dagbóka!
- 03/10/2021
  Instagram (#)
  Bókaútgáfan Hólar er mætt á Instagram. Þú finnur hana undir bokautgafan_holar. Endilega skelltu í "add" og fylgstu með skemmtilegum innslögum!
Hólar á Facebook
Póstlistaskráning
Leita á þessari síðu

Nýjasta útgáfa Hóla

Þú ert það sem þú borðar

thu_ert_thad_sem Metsölubók um allan heim, ætluð þeim sem vilja ná tökum á mataræði sínu og öðlast betri líðan.

Uppseld.

Útgáfuár: 2005

amen Lesið reynslusögur prestanna Agnesar M. Sigurðardóttur, Guðmundar Karls Brynjarssonar, Þórs Haukssonar, Gunnars Björnssonar, Cecils Haraldssonar, Birgis Ásgeirssonar og hvernig séra Vigfús Þór bjargaði skíðalandsmótinu – og þó ekki. Hjálmar Jónsson baunar á Pálma Matt. og Sigurður Ægisson fer víða. Og goðsagnirnar lifa, Baldur Vilhelmsson og Bjarni Jónsson.

Uppseld.

Útgáfuár: 2005

Spurningabókin 2005

sp2005 Hér er víða komið við; spurt er um liti, jólasveina, rapparann Eminem, Kryddpíurnar, Marco Polo, ökukappann Schumacher, knattspyrnu og margt fleira.

Uppseld.

Útgáfuár: 2005

Náttúruskoðarinn I: Úr dýraríkinu

natt_i Í þessari fyrstu bók í bókaflokknum Náttúruskoðarinn er fjallað um húsdýrin okkar, fugla, dýr í sjó og vatni, mold og gróðri. Heillandi bók um dýrin í kringum okkur.

Leiðbeinandi verð: 1.980-.

Uppseld.

Útgáfuár: 2005

101 vísnaþáttur úr DV – og tveir að auki (s.h.)

101_visna_ii Ragnar Ingi Aðalsteinsson hafði umsjón með vísnaþætti í DV um nokkurt skeið og naut þátturinn mikilla vinsælda. Hér er síðari hluti þáttanna en fyrri hluti þeirra kom út 2004.

Uppseld.

Útgáfuár: 2005

Bankinn í sveitinni

bankinn Saga Sparisjóðs Höfðhverfinga er hluti af byggðasögu Grýtubakkahrepps. Bankinn í sveitinni „fjallar þess vegna meira um líf fólks í hundrað ár en þróun peningamála“, segir höfundurinn, Björn Ingólfsson, um þessa stórglæsilegu og fróðlegu bók. Ljósmyndir af mannlífi eru fjölmargar.

Uppseld.

Útgáfuár: 2005

Um verkmenntun við Eyjafjörð og Verkmenntaskólann á Akureyri 1984-2004

um_verkmenntun Hér er sagan rakin allt frá hinum svokallaða Duggu-Eyvindi. Gagnfræðaskólinn, Húsmæðraskólinn, Sjávarútvegsdeildin á Dalvík og Iðnskólinn eru undir smásjánni. Og ekki síst Verkmenntaskólinn á Akureyri.

Uppseld.

Útgáfuár: 2005

Chelsea 1905-2005

chelsea Chelsea er tvímælalaust spútniklið fyrsta áratugar tuttugustu og fyrstu aldarinnar, en ekki hefur árangurinn alltaf verið glæsilegur, þótt félagið hafi oft og tíðum haft ágæta knattspyrnumenn innan sinna raða. Á meðal knattspyrnukappa sem stíga hér fram í sviðsljósið má nefna Peter Osgood, Charlie Cooke, Ray Wilkins, Kerry Dixon, Ruud Gullit, John Terry, Frank Lampard, Gianfranco Zola og Eið Smára Guðjohnsen. Og auðvitað er minnst á framkvæmdastjórann sigursæla og skrautlega, Jose Mourinho.

Uppseld.

Útgáfuár: 2005

Myndlist á Akureyri að fornu og nýju

Stórfróðleg bók um listalíf á Akureyri. Allir listamennirnir, allir listviðburðirnar, og höfundur spyr: Voru frumkvöðlarnir í íslenskri myndlist ef til vill fleiri en áður hefur verið haldið fram? Ríkulega myndskreytt bók – hvað annað!

Uppseld.

Útgáfuár: 2005

Ragnarök

ragnarok Bráðskemmtileg og fræðandi bók um orusturnar sem enn í dag hafa áhrif á líf okkar. Séra Þórhallur Heimisson er landsþekktur fyrir afburða færni við að gæða fortíðina lífi. Hér sannast orðsporið.

Uppseld.

Útgáfuár: 2005