Bestu barnabrandararnir-skothelt stuð

Útgáfuár: 2013

forsida_brandÞetta er átjánda bókin í þessum geysivinsæla bókaflokki.  Brjálæðislega fyndnar sögur sem koma öllum i gott skap, jafnt ungum sem öldnum og ættu að vera til alls staðar.

Leiðbeinandi verð: 1.290-.

Efnisflokkun: Bækur, Gamansögur

Skagfirskar skemmtisögur 2 – Meira fjör!

Útgáfuár: 2012

skagfirskar2 kapa-higres

Skagfirskar skemmtisögur fóru á metsölulista bókaverslana fyrir síðustu jól og fengu ekki aðeins frábærar viðtökur í Skagafirði heldur um land allt. Skemmtisögurnar er víða að finna í Skagafirði og nú koma yfir 200 til viðbótar sem Björn Jóhann Björnsson, Skagfirðingur og blaðamaður á Morgunblaðinu, tók saman öðru sinni.

Hér er húmoristum frá Hofsósi og nærsveitum gerð mjög góð skil, sem og Króksurum, Lýtingum og Blöndhlíðingum, auk fleiri sagna af klerkum í Skagafirði. Nýjum og stórskemmtilegum persónum bregður fyrir, lifandi sem gengnum, eins og Jóhönnu Sigríði Sigurðardóttur, fv. prestsfrú á Miklabæ og móður Péturs Jóhanns Sigfússonar grínista. Einnig koma aftur við sögu kunnir kappar á borð við Álftagerðisbræður, séra Hjálmar Jónsson, Gísla Einarsson sjónvarpsmann, Guttorm Óskarsson framsóknarmann, Friðrik bónda á Svaðastöðum og Hvata á Stöðinni.

Í bókinni eru meðal annars sögur af því þegar…

… lundalúsin í Drangey skreið upp fótleggi Karls biskups.

… Óskar frá Álftagerði borgaði kennaranum mismuninn á bókfærsluprófinu.

… Gísli Einarsson mætti alblóðugur á kaupfélagsfund á Króknum.

… húsmóðir á Króknum bannaði Gísla Halldórssyni leikara að syngja Hamraborgina.

… Guttormur árið 1973 sá Ólaf Ragnar Grímsson fyrir sér sem framtíðarmann í stjórnmálum.

… Pétur Jóhann bað móður sína að kyssa sig í miðri messu í Miklabæjarkirkju.

… afi og alnafni Jónasar ritstjóra vildi láta Skagfirðinga hafa hægðir minnst þrisvar á dag.

… skipverjar á Drangeynni flugu til Grímseyjar eftir blandinu.

… danski apótekarinn Ole Bang var beðinn að skila handritunum heim.

… Kristmundur á Sjávarborg fagnaði of snemma andláti Enid Blyton.

… Erling Örn kaupmaður fór í kvöldskóla og vildi bæta þýðingar Helga Hálfdánar á Shakespeare.

Leiðbeinandi verð: 2.980-.

Efnisflokkun: Bækur, Gamansögur

Bestu barnabrandararnir-alveg milljón

Útgáfuár: 2012

bestu barnabr. 2012Bestu barnabrandararnir klikka ekki frekar en fyrri daginn.  Þessi bókaflokkur nýtur alltaf mikilla vinsælda og ekki síður hjá hinum eldri en yngri.  Og þessi bók gefur hinum fyrri ekkert eftir.  Hún ætti að vera til á nánast hverju einasta heimili – já, líka hjá þeim fúlu, enda gætu brandararnir komið þeim í gott skap.

Leiðbeinandi verð: 1.290-.

Efnisflokkun: Bækur, Gamansögur

Glettur og gamanmál

Útgáfuár: 2012

Glettur og gamanmál 2012Vilhjálmur Hjálmarsson, Villi á Brekku, er bæði góður sögumaður og mikill húmoristi.  Í þessari bók fer hann á kostum eins og svo oft áður og segir gamansögur af sér og samferðafólki sínu og stíga hér margir fram á sviðið, jafnt stjórnmálamenn sem aðrir. Hér kemur ein saga úr bókinni:

Það átti að vígja nýtt skólahús í Vík í Mýrdal kl. 14:00 á laugardegi auðvitað. Við Ágúst bílstjóri tókum daginn snemma. Ég hafði krotað niður kvöldið áður það sem ég ætlaði að segja. Við vorum komnir austur um hádegi og settumst inn á Víkurskála að fá okkur hressingu. En brátt er ég kvaddur í síma.

Í símanum er Jón Einarsson skólastjóri. Hann kvaðst hafa heyrt að ég væri kominn í plássið. Segist vera að vinna í nýja húsinu og spyr hvort ég hafi ekki gaman af að líta inn. Jú, ég játa því. Svo þurfi ég nú að fara heim með honum og snyrta mig fyrir vígsluna.

Jón svaraði og heldur seint að nógur tími væri að tala um það – hún væri áformuð eftir hálfan mánuð!

Mér brá hroðalega og þótti þetta flan mitt hið versta mál. Á leiðinni fram í matsal kom ég þó auga á ljósan punkt í stöðunni – verri hefði hún getað orðið! Margrét kona mín hafði neitað að koma með. Það var skárra! Ég spurði Ágúst hvort hann hefði nokkurn tíma farið með forvera mína, Gylfa Þ. og Magnús Torfa, fyrir boðaðan tíma. Hann hugsaði sig um og svaraði: „Ekki svona langt.

Leiðbeinandi verð: 3.980-.

Efnisflokkun: Bækur, Gamansögur

Pétrísk-íslensk orðabók – með alfræðiívafi

Útgáfuár: 2012

petrisk-fors-2012-5brSéra Pétur Þorsteinsson, prestur Óháða safnaðarins og æskulýðsfulltrúi á Grund, hefur um árabil samið og safnað saman skrýtnum og skemmtilegum orðum til að setja í stað hinna hversdagslegu og litlausu.  Hvað ætli þessi orð merki hjá séra Pétri: Afbökun? Bakflæði? Einvígi? Landafundir? Óefni?  Þú færð svörin við þessu í Pétrísk-íslensku orðabókinni sem að sjálfsögðu er með alfræðiívafi.

Leiðbeinandi verð: 2.280-.

Efnisflokkun: Bækur, Gamansögur, Íslenskan - málið okkar

Skagfirskar skemmtisögur

Útgáfuár: 2011

skagfirskar_skemmtisogur_kapaSkagfirskar skemmtisögur hafa að geyma um 200 gáskafullar gamansögur úr daglegu amstri Skagfirðinga og samferðarmanna þeirra til sjós og lands.  Við sögu koma m.a. séra Hjálmar Jónsson, Álftagerðisbræður, Haraldur frá Kambi, Dúddi frá Skörðugili, Friggi á Svaðastöðum, Haraldur Bessason, Hvati á Stöðinni, Gísli Einarsson og Bjarni Har.  Eru þá sárafáir nefndir af þeim sem kallaðir eru til leiks í þessari bráðskemmtilegu bók.

Leiðbeinandi verð: 2.980-.

Efnisflokkun: Bækur, Gamansögur

Bestu barnabrandararnir-sprenghlægilegir og ferskir

Útgáfuár: 2011

Bestu barnabrandarnarnir 2011Þetta er sextánda bókin í þessum bráðskemmtilega og vinsæla bókaflokki sem hefur svo sannarlega skemmt jafnt ungum sem öldnum í gegnum tiðina.  Og þessi bók gefur hinum fyrri ekkert eftir, enda er hún stútfull af bröndurum sem vafalítið kalla fram hlátrasköll hjá fjölmörgum á næstu mánuðum.

Leiðbeinandi verð: 1.190-.

Efnisflokkun: Barnabækur, Bækur, Gamansögur

Galar hann enn! Gamansögur af Norðfirðingum og nærsveitungum

Útgáfuár: 2010

Untitled-1Smári Geirs ekur í loftköstum, Gummi Bjarna fer til rjúpna og Steinunn Þorsteinsdóttir skilur ekkert í öllum þessum rjómatertum. Einar Þorvaldsson ætlar að skrifa aftan á víxil, Bjarni Þórðar fer í megrun og Bjarki Þórlindsson gerir við miðstöðina hjá Daníel lækni. Stella Steinþórs fer bara úr annarri skálminni, samherjar Rikka Haralds þurfa að dekka hann stíft og Jón Lundi og séra Árni Sigurðsson takast á. Smelli tekur út úr sér góminn, Daddi Herberts kemst í sjónvarpið, Guðrún Árnadóttir vonast eftir tekjuaukningu hjá Félagi eldri borgara og sprelligosarnir í Súellen senda kort. Er þá fátt upp talið í þessari bráðskemmtilegu bók.

Leiðbeinandi verð: 2.680-.

Efnisflokkun: Austurland, Bækur, Gamansögur

Bestu barnabrandararnir – brjálæðislega góðir

Útgáfuár: 2010

Bestu barnabrandararnir 2010-kápaBestu barnabrandararnir eru stútfullir af gríni sem kemur öllum í gott skap.  Bókin hentar vel í einrúmi, en einnig í fölmenni og hvernig væri að þeir sem troða upp hér og þar gripu hana með sér og læsu upp einn og einn brandara fyrir viðstadda.  Það myndi örugglega ekki spilla gleðinni.

Leiðbeinandi verð: 1.1.90-.

Efnisflokkun: Barnabækur, Bækur, Gamansögur

Íslenskar gamansögur 3

Útgáfuár: 2009

islgamansogur3-forsGurrí Haralds hringir í Rannsóknarlögregluna. Púlli og Haraldur Á. Sigurðsson, leikari, eru góðglaðir á Þingvöllum. Dávaldur fer á kostum á Norðfirði. Gvendur dúllari gefur vini sínum heilræði í brúðkaupsgjöf. Siggi á Fosshóli ekur í þoku. Össur Skarphéðinsson ætlar í kápu. Svavar Gests rekur á eftir gítarleikara. Sprengju-Tóti rífur úr sér annað augað og Jens Guð situr í hjá leigubílstjóra – með athyglisbrest.

Hvað sagði Ólafur Ragnar aldrei? Vegna hvers er Lilja Mósesdóttir áþjáð? Við hvað var Arnór Hannibalsson hræddur? Og hvaða sjósóknarar dóu ekki ráðalausir í baráttu við franska skútusjómenn?

Í Íslenskum gamansögum 3 er samsafn af sprenghlægilegum gamansögum.

Þar kemur við sögu ekki ómerkara fólk en Gurrí Haralds, Púlli og Haraldur Á. Sigurðsson, leikari, Gunnar Finnsson, Ólafur Sigurðsson, skólameistari, Gvendur dúllari, Lúðvík Jósepsson, Sprengju-Tóti, Kristófer Reykdal, Garðar Sigurðsson, Siggi á Fosshóli, Lási kokkur, Arnór Hannibalsson, Lilja Mósesdóttir og Jens Guð. Eru þá sárafáir nefndir af þeim sem stíga hér fram á sviðið.

Íslenskar gamansögur 3 ættu að vera til á hverju heimili.

Leiðbeinandi verð: 2.280-.

Efnisflokkun: Gamansögur
Eldra Nýrra

Bókaútgáfan Hólar

Hagasel 14, 109 Reykjavík
Sími: 587 2619
Fax: 587 1180
Netfang: holar (hja) holabok.is