Hvolpasögur

Útgáfuár: 2017

HHvolpasögurHvolpar fara á kostum í þessari hugljúfu bók. Ýmislegt óvænt og skemmtilegt gerist í þessum sögum. Allir heilla hvolparnir okkur — hver á sinn hátt. Þá er hér sönn saga af Tígli, litlum hundi með stórt hjarta, en hann vann sér það til frægðar að koma smáfugli til bjargar og fóru fréttir af því víða.

Leiðbeinandi verð: 2.980-.

Efnisflokkun: Barnabækur, Bækur, Skáldsögur, Smásögur

Halloween I – hryllings- og draugasögur fyrir harðgerða krakka og unglinga

Útgáfuár: 2015

halloween1-forsidaBókin geymir nokkrar magnaðar sögur sem örugglega fá hjarta lesandans til að slá svolítið örar um tíma. Þetta er bók fyrir krakka og unglinga „sem þora! – og auðvitað hina eldri líka, svo fremi að þeir séu sterkir á taugum!“

Sýnishorn úr bókinni: http://issuu.com/gunnarkr/docs/halloween-issuu

Leiðbeinandi verð: 3.280-.

Efnisflokkun: Barnabækur, Bækur, Skáldsögur, Unglingabækur

Árdagsblik

Útgáfuár: 2014

Árdagsblik Skáldsagan Árdagsblik mun vafalítið koma lesendum á óvart, bæði vegna efnistöku og sögusviðs. Þar er fjallað um fólk af ólíkum uppruna sem ákveður að skapa sér framtíð í nýju landi, af bjartsýni og dugnaði; tilveru án ófriðar og valdagræðgi. Getur slíkur draumur orðið að veruleika?

Ævintýrablær og sagnfræði, ástir og átök blandast hér saman með skemmtilegum hætti í sögu sem sækir í sannar heimildir en fer að öðru leyti frjálslega með efni og aðstæður.

Leiðbeinandi verð: 3.980-.


efnistöku og sögusviðs. Þar er fjallað um fólk af ólíkum uppruna sem ákveður að

skapa sér framtíð í nýju landi, af bjartsýni og dugnaði. Ævintýrablær og

sagnfræði, ástir og átök blandast hér saman með skemmtilegum hætti.
Skáldsagan Árdagsblik mun vafalítið koma lesendum á óvart, bæði vegna
efnistöku og sögusviðs. Þar er fjallað um fólk af ólíkum uppruna sem ákveður að
skapa sér framtíð í nýju landi, af bjartsýni og dugnaði. Ævintýrablær og
sagnfræði, ástir og átök blandast hér saman með skemmtilegum hætti.
Höfundurinn Hrönn Jónsdóttir, sjötug að aldri, er búsett á Djúpavogi og er þetta
Efnisflokkun: Bækur, Skáldsögur

Snæblóm

Útgáfuár: 2012

Snæblóm Smásagnasafn það sem hér birtist á bók var nær fullbúið til útgáfu þegar Guðmundur L. Friðfinnsson lést, síðla árs 2004. Hið knappa smásöguform lætur höfundinum prýðilega og skilar vel vinsælum höfundareinkennum hans. Hann er næmur á blæbrigði lífsins í öllum þess fjölbreytileika. Mannlýsingar eru eftirminnilegar, atburðir og átök og víða bregður fyrir léttri kímni en alvaran er gjarnan djúp undir niðri.

Leiðbeinandi verð: 3.980-.

Efnisflokkun: Bækur, Skáldsögur, Smásögur

Hrafna-Flóki

Útgáfuár: 2011

Hrafna-FlókiHaraldur hárfagri fer í Víking við strendur Noregs, en Hrafna-Flóki vill ekki gefa sig á vald galdrakonungsins og drauga hans.  Hann leitar sér því að nýju landi til að geta ráðið sér sjálfur og tekur með sér dætur sínar þrjár, menn og húsdýr.  Eyjan þar sem þau taka land er falleg, en þar leynist margt óvænt.  Í fjöllunum eru ís, eldur og … andar.

Þetta er sagan um manninn sem gaf Íslandi nafn – bráðskemmtileg lesning fyrir jafnt unga sem aldna.

Leiðbeinandi verð: 2.980-.

Efnisflokkun: Barnabækur, Skáldsögur

Blóð Krists og gralið heilaga

Útgáfuár: 2007

blod_kristsÞetta er ein umdeildasta bók síðari ára, enda eru kenningar höfundanna afar umdeildar, bæði austan hafs og vestan, en þeir snúa mörgu, sem hingað til hefur verið víðtekið í evrópskri menningarsögu, á hvolf og setja fram djarfar tilgátur sem snerta hugmyndir og viðhorf allra kristinna manna.

Leiðbeinandi verð: 5.980-.

Tilboðsverð: 990-.

Efnisflokkun: Skáldsögur

Samsærið gegn Bandaríkjunum

Útgáfuár: 2006

samsaerid

Lykilatburðum er jafnan gefið mikið vægi í mannkynssögunni, rétt eins og í frásögnum og sögum. Einstaklingsörlög eru þannig tvinnuð saman við almenn örlög; söguhetjan ræður eða er látin ráða gangi sögunnar/Sögunnar. Hending hlýtur því að leika stórt hlutverk í mannkynssögunni og lítill atburður (jafnvel vængjasláttur fiðrildis?) getur leitt af sér gjörbreytta niðurstöðu eða ástand.

Í Samsærinu gegn Bandaríkjunum breytir höfundurinn gangi sögunnar með því að hnika til einum kosningaúrslitum í Bandaríkjunum í upphafi seinni heimstyrjaldar, nánar tiltekið í forsetakosningunum í nóvember 1940. Þessar kosningar vann frambjóðandi demókrataflokksins með yfirburðum og Franklin Delano Roosevelt (FDR) varð því fyrsti Bandaríkjaforseti til að sitja þrjú tímabil á valdastóli. Roosevelt lýsti eins og kunnugt er stríði á hendur Þjóðverjum og öxulveldunum og þátttaka Bandaríkjanna í seinni heimstyrjöld kom þar með í veg fyrir sigur nasista.

En hvað ef…? Hvað ef fulltrúi Repúblikanaflokksins hefði unnið téðar kosningar? Þar í flokki voru ýmsir hreint ekki fráhverfir röggsemi Hitlers; flokkurinn talaði í það minnsta gegn þátttöku í stríðinu. Það má því velta því fyrir sér hvort sigur þeirra í kosningunum 1940 hefði breytt gangi stríðsins. Hefðu fasískar einræðisstjórnir orðið ríkjandi stjórnarform í hinum vestræna heimi?

Í stað FDR kemur Roth, forsetaefni Repúblikana, í Hvíta húsið. Þetta er enginn annar en Charles A. Lindbergh flugkappi sem fyrstur flaug yfir Atlantshafið, frá New York til Parísar, á einþekjunni Spirit of St. Louis. Höfundur lætur s.s. Lindbergh mæta á hárréttri stundu á kosningafund Repúblikana í miðri frambjóðendakreppu; menn geta ekki komið sér saman um nokkurn frambjóðanda gegn FDR. Þá birtist Lindbergh, gengur inn salinn í fullum skrúða flugkappans og heillar fundinn (án þess að segja orð) gjörsamlega, frelsarinn kominn: „Lindy! Lindy! Lindy!“

Sagan í bókinni gerist fyrir rúmum 60 árum og er að mestu æskuminningar sögupersónunnar Philips Roths en sá er meira en lítið skyldur höfundinum (þetta er ekki í fyrsta sinn sem Roth setur sjálfan sig eða nafna sína á svið í skáldsögu). Sagan byggir á sannsögulegum atburðum og raunverulegum persónum, þekktum sem minna þekktum. Eins og áður segir þá hnikar Roth til atburðum til annars konar veraldarsögu. Í stuttu máli: Lindbergh (sem í raun dáði Hitler, þáði orðu þriðja ríkisins og var þekktur gyðingahatari) verður forseti og Bandaríkin fara nærri því að verða fasistaríki og gyðingaofsóknir hefjast af fullum krafti.

Samsærið gegn Bandaríkjunum er forvitnileg saga sem greinir frá fordómum, einkum gegn gyðingum. Sagan býður upp á skemmtilegar vangaveltur um sögulega atburði. En hún er líka umsögn um stjórnmálalegt ástand í heiminum í dag og sérstaklega um ástandið í Bandaríkjunum. Þessa stundina situr þar við stjórn maður sem er ekki minni lýðskrumari en Lindbergh í skáldsögunni, maður sem er hættulegur friði í heiminum og sem hefur þegar att fíflum á forað í Írak – kollegum sínum (t.d. forsætisráðherra Bretlands) og taglhnýtingum (t.d. f.v. forsætisráðherrum Íslands).

Leiðbeinandi verð: 4.380-.

Tilboðsverð: 990-.

Efnisflokkun: Skáldsögur

Svik

Útgáfuár: 2005

svikTilnefnd sem besta sænska glæpasagan 2003. Engin er snjallari Alvtegen í að spinna vef óvæntra atburða. „Þetta er bók fyrir spennufíkla,“ sagði Dagbladet og Expressen skrifaði: „Svik lætur hárin rísa“. Lesið og sannfærist.

Uppseld.

Efnisflokkun: Skáldsögur

Týnd

Útgáfuár: 2004

tyndTýnd fékk Glerlykilinn sem besta norræna glæpasagan árið 2000. Sibylla Forsenström er ekki til. Hún er utangarðsmanneskja. Einn daginn er hún á röngum stað á röngum tíma. Maður er myrtur á hrottalegan hátt og grunur fellur á Sibyllu og hún leggur á flótta. Ótrúleg spenna.

Uppseld.

Efnisflokkun: Skáldsögur, Verðlaunabækur

Musterisriddarinn

Útgáfuár: 2004

musterisÁrni Magnússon er krossfari í Landinu helga. Í munni heiðingjanna er hann Al Ghouti, maðurinn sem þeir virða en óttast í senn. Hinn mikli Saladin, er óvinur hans. Musterisriddarinn er afar spennandi saga sem gerist í Gaza og Jerúsalem laust fyrir árið 1200. Þetta er sjálfstætt framhald af bókinni Leiðin til Jerúsalem sem út kom í fyrra.

Uppseld.

Efnisflokkun: Skáldsögur
Eldra

Bókaútgáfan Hólar

Hagasel 14, 109 Reykjavík
Sími: 587 2619
Fax: 587 1180
Netfang: holar (hja) holabok.is