Nýjasta útgáfa Hóla



Fótboltaspurningar 2016

fotboltaspurningar-2016

Í landsliðshópi Íslands á EM voru þrír markverðir. Hvað heita þeir?
Hvað heitir stuðningsmannaklúbbur íslenska landsliðsins?
Frá hvaða liði keypti Real Madrid Króatann Luka Modric?
Hversu oft hefur Manchester United orðið deildabikarmeistari?
Hvernig eru sokkarnir á litinn í aðalbúningi Porto?

Þetta og margt fleira í þessari frábæru fótboltaspurningabók sem enginn knattspyrnuunnandi lætur fram hjá sér fara.

Leiðbeinandi verð: 1.490-.

Útgáfuár: 2016

Bestu barnabrandararnir – meiriháttar

bedstu-barnabrandararnir-2016

Þessi bókaflokkur hefur svo sannarlega slegið í gegn og ekki gefur þessi bók hinum fyrri neitt eftir. Bestu barnabrandararnir eru líka fyrir alla,jafnt unga sem eldri, enda fátt heilsusamlegra en að hlægja. Hér er einn brandarinn úr bókinni:

Lögreglumaðurinn hringdi á lögreglustöðina og sagði:
„Þetta er ansi undarlegt mál.“
„Nú, hvernig þá?“
„Jú, sjáðu til, gamla konan skaut manninn sinn til bana fyrir það eitt að labba yfir gólf sem hún var nýbúin að skúra.“
„Ertu ekki búinn að handtaka hana?“
„Nei, gólfið er ennþá blautt.“

Leiðbeinandi verð: 1.490-.

 

Útgáfuár: 2016

Spurningabókin 2016

spurningabokin-2016

Hér er spurt um allt milli himins og jarðar: íþróttir, dýr, tónlist, teiknimyndir, kvikmyndir, leikrit, málshætti og fleira til. Þessi bók er algjörlega ómissandi hvar og hvenær sem er!

Hvað eru kærastarnir margir sem koma við sögu í Mamma Mía söngleiknum?
Hver er eini skegglausi kóngurinn í venjulegum spilastokki?
Hvað nefnist hæfileikakeppni gunnskólanna?
Geta kengúrur hoppað aftur á bak?

Þetta og margt fleira í þessari bráskemmtilegu bók sem efalítið margir hafa beðið eftir.

Leiðbeinandi verð: 1.490-.

Útgáfuár: 2016

Öreindirnar, alheimurinn, lífið – og Guð

alheimurinn-nytt-nytt-jpeg

Reynt er að samræma vísindi og Guðstrú. Úr hverju er alheimurinn, hvernig myndaðist hann og hvernig varð lífið til? Alheimur allur er gerður úr öreindum. Hallast er að því að vísindin og Guð hafi unnið sameiginlega að myndun og þróun alheims og lífs. Guð kom Miklahvelli og lífinu af stað, en vísindin stýra óðaþenslu alheims og þróun lífs.

Sannarlega áhugaverð bók sem snertir hugsanagang margra um lífið og tilveruna.

Leiðbeinandi verð: 1.980-.

Útgáfuár: 2016

Lars Lagerbäck og íslenska landsliðið

Lars-kápaFramfarir íslenska karlalandsliðsins í knattspyrnu hafa verið gríðarlega miklar síðan Lars Lagerbäck tók við þjálfun þess.  Í þessari bók er farið yfir aðdragandann að ráðningu hans að landsliðinu, ferill hans rakinn, sagt frá samstarfi hans og Heimis, verkaskiptingu þeirra, uppbyggingu liðs- og blaðamannafunda og farið yfir alla landsleiki frá því að þeir komu þar að málum. Þá er þarna fjölmargt annað, s.s. fjallað um það hvers vegna Lars var óvænt útnefndur „Leiðinlegasti Svíinn“.

Þetta er bók sem enginn knattspyrnuunnandi getur verið án.

Leiðbeinandi verð: 5.980-.

Útgáfuár: 2016

Fjöllin í Grýtubakkahreppi

Fjöllin í Grýtubakkahreppi

Bókin, Fjöllin í Grýtubakkahreppi, er tvískipt. Annars vegar eru ferðasögur höfundar á alla fjallatinda í Grýtubakkahreppi, nokkurs konar dagbókarbrot. Hins vegar er um að ræða 13 gönguleiðalýsingar á valin fjöll á svæðinu, tvær leiðir yfir á Flateyjardal um Skriðurnar og Sandskarð, auk þess sem lýst er hringnum frá Grenivík um Trölladal,Fjörður og Látraströnd.

Yfir 280 ljósmyndir eru í bókinni, 47 kort, þar af eitt stórt af svæðinu og gps-hnit eru til glöggvunar fyrir lesandann. Við skoðun bókarinnar gefst kostur á að kynna sér tignarleg fjöll og eyðidali svæðisins hvort sem setið er heima í stofu eða tekist á við náttúruna í raun.

Höfundur bókarinnar, Hermann Gunnar Jónsson, er sveitastrákur að upplagi og kann útivist vel. Hann ólst upp við hefðbundin landbúnaðarstörf á Hvarfi í Bárðardal og þekkir vel að snúast í kringum kindur bæði á hesti og fæti. Auk þess hefur hann gjarnan brúkað báða þessa ferðamáta til að ferðast um landið og njóta, sérstaklega Suður-Þingeyjarsýslu og Eyjafjarðarsýslu. Í seinni tíð hafa fjallgöngurnar þó haft yfirráðin.

Leiðbeinandi verð: 5.980-.

Útgáfuár: 2016

Pétrísk-íslensk orðabók með alfræðiívafi

Pétrísk 2016

Pétrísk-íslensk orðabók kemur nú út í þrítugasta og fjórða skiptið og hafa vinsældir hennar aukist ár frá ári og alltaf hefur hún selst upp í hvert sinn sem ný og endurbætt útgáfa kemur út.
Séra Pétur Þorsteinsson, prestur Óháða safnaðarins, hefur um áratuga skeið fundið skrýtin og skemmtileg orð til að setja í stað hinna hversdagslegu og litlausu. Hvað ætli þessi merki: kvenpeningur, spenaspræna, bænabuxur, kjaftaskur, minnipokamaður og millistéttamaður? Og hverjir eru Gandagreifinn og Lassi á lagernum?

Leiðbeinandi verð: 3.280-.

Útgáfuár: 2016

Steven Gerrard – Árin hjá Liverpool

STEVEN GERRARDSteven Gerrard er einn besti knattspyrnumaður sinnar kynslóðar.  Hann hóf að æfa með Liverpool á unga aldri og varð með tíð og tíma einn besti leikmaðurinn í sögu þess. Þá var hann fyrirliði Liverpool lengur en nokkur annar og tók við sigurlaunum Meistaradeildarinnar 2005 eftir einn ótrúlegasta úrslitaleik sögunnar.

Í þessari bók er rakin saga Gerrard og einnig Liverpool og enska landsliðsins á tíma hans þar.  Þessa bók lætur enginn knattspyrnuunnandi framhjá sér fara.

Leiðbeinandi verð: 6.980-.

Útgáfuár: 2015

Vísur um blóm og stjörnur

Skúlaljóð

Vísur fyrir þig sem ert í góðu skapi og líka fyrir þig sem ert daprari. Vísur fyrir þau sem eru ástfangin og hin sem eru í ástarsorg.
Þær hafa orðið til af mismunandi tilefnum en vilja standa allar saman í einni bók. Bók undir áhrifum frá íslenskum rímum og japönskum hækum.

 

Leiðbeinandi verð: 2.480-.

Útgáfuár: 2015

Hrekkjalómafélagið – Prakkarastrik og púðurkerlingar

Hrekkjalómafélagið

Hrekkjalómafélagið í Vestmannaeyjum var einstakur félagsskapur og það á heimsvísu. Þar létu menn ekkert tækifæri ónotað til að koma hver öðrum á óvart og sumum utan félagsins einnig.

Í þessari bráðskemmtilegu bók rekur Ásmundur Friðriksson 20 ára sögu Hrekkjalómafélagsins; segir frá hrekkjunum og undirbúningi þeirra, viðbrögðunum og …afleiðingunum sem urðu stundum alvarlegri en menn héldu í upphafi.

Í bókinni segir meðal annars frá því þegar:

Halli í Turninum fær ís

Ráðherrahjónum er gert rúmrusk

Maggi Kristins „býður“ öllum í afmælið sitt

Geir Jón handtekur Tóta rafvirkja

Sjálfvirkur sleppibúnaður er kynntur til sögunnar

Össur Skarphéðinsson skartar skófari á rassinum

Guðjón Hjörleifs prófar sjónvarpssíma

Logi Snædal gengur berfættur yfir flöskubrot

Kosning um „Fyrsta klámkóng Eyjanna“ fór fram

Þá fá lesendur að kynnast nokkrum hrekkjalómum utan félagsins og ber þar hæst sögur af Jóni Berg Halldórssyni og Didda í Svanhól, en upptalningin er annars bara lítið brot af því sem leynist í bókinni HREKKJALÓMAR – PRAKKARASTRIK OG PÚÐURKERLINGAR sem kitlar svo sannarlega hláturtaugarnar.

Leiðbeinandi verð: 6.680-.

Útgáfuár: 2015
Eldra Nýrra

Bókaútgáfan Hólar

Hagasel 14, 109 Reykjavík
Sími: 587 2619
Fax: 587 1180
Netfang: holar (hja) holabok.is