Bókaútgáfan Hólar

Molar
- 30/07/2025
  (#)
  JÓNA - atkvæði og ambögur
  
  Það er full ástæða til að vekja athygli ljóðaunnenda og þeirra sem þess utan hafa gaman af galgopahætti, sem á það til að fara hárfínt yfir strikið, á ljóðabókinni Jónu - atkvæði og ambögur, en hún geymir úrval ljóða hins snjalla hagyrðings Jóns Ingvars Jónssonar, sem því miður kvaddi okkur allt og snemma. Þarna er margan snilldarkveðskapinn að finna svo að ekki sé fastar að orði kveðið.
- 27/08/2024
  Hólabækur ungast út! (#)
  Bækurnar frá Bókaútgáfunni Hólum streyma nú hver af annarri úr prentsmiðjunni og auðvitað er þeim dreift strax í bókabúðir. Unglingabókin ÓLGA var fyrsta bók ársins, síðan kom göngugarpabókin KINNAR- OG VÍKNAFJÖLL, þá TIL TAKS - ÞYRLUSAGA LANDHELGISGÆSLU ÍSLANDS - FYRSTU 40 ÁRIN, og nú síðast FIMM AURAR - Fyndnustu brandarar í heimi! Fleiri eru svo væntanlegar áður en langt um líður, m.a. bækur um knattspyrnu, hjátrú, síld, fugla, mest notaða orðasamband í heimi (já, hvert skyldi það nú vera?) og Drottninguna í Dalnum, fyrir nú utan bráðskemmtilegt smásagnasafn og spurningabók. Þið ættuð því endilega að fylgast með væntanlegum útgáfufréttum á holabok.is.
- 25/04/2023
  Fyrsta bók ársins 2023 (#)
  Þá er fyrsta Hólabók ársins 2023 komin út. Hún heitir Hormónar og fleira fólk - Missannar sögur frá síðustu öld, er eftir Halldór Ólafsson, og saman stendur af fjölmörgum smellnum sögum og vísum. Er ekki tilvalið að fara brosandi og jafnvel skellihlægjandi inn í sumarið?
- 12/01/2022
  Anna Kristine látin (#)
  Anna Kristine Magnúsdóttir Mikulcákova lést nú í ársbyrjun. Bókaútgáfan Hólar gaf út tveir bækur eftir Önnu, Milli mjalta og messu, sem byggði á samnefndum og vinsælum útvarpsþáttum hennar, og Með létt skap og liðugan talanda, sem er ævisaga Möggu í Dalsmynni. Báðar bækurnar nutu vinsælda, enda var Anna fundvís á viðmælendur og kunni þá list að leita eftir því markverða og segja þá sögu vel og heiðarlega. Blessuð sé minning Önnu Kristine.
- 26/12/2021
  Fugladagbókin 2022 (#)
  Margir hafa þann skemmtilega sið að skrá hjá sér eitt og annað í dagbækur. Senn lýkur þessu ári og því viljum við Hólamenn minna á Fugladagbókina 2022, sem er í rauninni miklu meira en hefðbundin dagbók. Þar er að finna fróðleik um 52 fugla - einn fyrir hverja viku, marga svokallaða flækinga hér á landi, auk glæsilegra mynda af þeim. Fyrir fuglaáhugafólk er tilvalið að punkta hjá sér ýmislegt í bókina varðandi fugla, s.s. hvenær þessi fugl sást og þá hvar. Svo má vitaskuld nota dagbókina eins og hverja aðra og punkta hjá sér hvaðeina sem gott er að eiga skráð. Bókin er mjög hentug og t.d. fyrir fuglaáhugamenn má nefna að hún fer einkar vel í tösku. Því er tilvalið að grípa hana með sér í fuglaskoðun.
  
  Fugladagbókin 2022, sem er eftir Sigurð Ægisson, er sannkölluð gersemi á meðal dagbóka!
- 03/10/2021
  Instagram (#)
  Bókaútgáfan Hólar er mætt á Instagram. Þú finnur hana undir bokautgafan_holar. Endilega skelltu í "add" og fylgstu með skemmtilegum innslögum!
Hólar á Facebook
Póstlistaskráning
Leita á þessari síðu

Nýjasta útgáfa Hóla

Um verkmenntun við Eyjafjörð og Verkmenntaskólann á Akureyri 1984-2004

um_verkmenntun Hér er sagan rakin allt frá hinum svokallaða Duggu-Eyvindi. Gagnfræðaskólinn, Húsmæðraskólinn, Sjávarútvegsdeildin á Dalvík og Iðnskólinn eru undir smásjánni. Og ekki síst Verkmenntaskólinn á Akureyri.

Uppseld.

Útgáfuár: 2005

Myndlist á Akureyri að fornu og nýju

Stórfróðleg bók um listalíf á Akureyri. Allir listamennirnir, allir listviðburðirnar, og höfundur spyr: Voru frumkvöðlarnir í íslenskri myndlist ef til vill fleiri en áður hefur verið haldið fram? Ríkulega myndskreytt bók – hvað annað!

Uppseld.

Útgáfuár: 2005

Því ekki að brosa

thvi_ekki_ad Séra Birgir Snæbjörnsson, prestur á Akureyri, dregur fram skemmtilegar stundir ævi sinnar og þær eru svo sannarlega broslegar.

Uppseld.

Útgáfuár: 2005

Þeir vörðuðu veginn

their_vordudu_veginn Hér segir af þremur einstaklingum er settu svip sinn með einum eða öðrum hætti á Akureyri á síðari hluta 20. aldarinnar. Þeir eru: Vilhelm Þorsteinsson, skipstjóri og framkvæmdastjóri Útgerðarfélags Akureyringa til margra ára, Ingimar Eydal, tónlistarmaður og kennari, og Gunnar Ragnars, forstjóri Útgerðarfélags Akureyringa.

Uppseld.

Útgáfuár: 1996

Nonni und das Nonni-haus

nonni_und_das_nonnihaus Rithöfundurinn Nonni, Jón Sveinsson, naut og nýtur enn mikilla vinsælda í Þýskalandi og á ári hverju kemur talsverður fjöldi Þjóðverja í heimsókn í Nonnahús á Akureyri. Þessi bók, sem er á þýsku, hefur vafalítið ratað í hendur margra þeirra, enda gefur hún fólki örlitla innsýn í líf rithöfundarins.

Uppseld.

Útgáfuár: 1993

Hernámsárin á Akureyri og Eyjafirði

hernamsarin Akureyri er þungamiðja þessarar frásagnar. Fjallað er breska setuliðið sem þangað kom og síðan hið bandaríska. Hin viðkvæmustu mál eru reifuð svo sem ástandið og nasisminn, Bretavinnan og njósnaveiðar hernámsliðsins.

Uppseld.

Útgáfuár: 1991