Nýjasta útgáfa Hóla



Gullvör – kennsluleiðbeiningar

gull_kennsluKennsluleiðbeiningar við Gullvararbækurnar I-III eftir Ragnar Ingi Aðalsteinsson.  Einungis fáanlegt á tölvutæku formi.

Leiðbeinandi verð: 5.900-.

Uppseld.

 

Útgáfuár: 2006

Stelpan frá Stokkseyri

stelpan_fra_stokkseyriHér gerir Margrét Frímannsdóttir, fyrrverandi þingmaður Suðurlands, upp ævi sína. Hún dregur upp ljóslifandi myndir af litríkum bernskuárum á Stokkseyri og segir frá óbilandi stjórnmálaáhuga sínum, sem varð til þess að hún, sem einhverjir vildu meina að væri bara ómenntuð frystihússtelpa, gegndi stöðu oddvita í sínu sveitarfélagi um árabil og tók síðan sæti á Alþingi Íslendinga. Hún varð síðar fyrsta konan á Íslandi til þess að leiða einn af gömlu fjórflokkunum, Alþýðubandalagið, og hún lék lykilhlutverk í stofnun Samfylkingarinnar. En lífið gengur sjaldnast alveg smurt fyrir sig. Margrét var um tvítugt þegar hún komst að sannleikanum um faðerni sitt, hún gekk síðar í gegnum erfiðan skilnað og hún fékk að kenna á kvenfyrirlitningunni í strákaheimi stjórnmálanna. Fyrir fáeinum árum greindist hún svo með krabbamein, en var staðráðin í því frá upphafi að sigrast á veikindunum.

Leiðbeinandi verð: 4.980-.

Uppseld.

Útgáfuár: 2006

Norðfjarðarsaga I

nordfjardarsaga_i

Norðfjarðarsaga I spannar það frá upphafi byggðar í firðinum og fram til 1895.  Greint er frá landsháttum, atvinnuháttum, verslunarmálum, félagsmálum og málefnum kirkjunnar, auk þróunar byggðar og upphafi þéttbýlismyndunar á Nesi. Fjölmargar myndir og kort prýða bókina.

Leiðbeinandi verð: 7.900-.

Uppseld.

 

Útgáfuár: 2006

Fimmtíu sumur í Hrafnkelsdal

fimmtiu_sumur Þessi bók er gefin út til minningar um hjónin Aðalstein Jónsson og Ingibjörgu Jónsdóttur en þau bjuggu á Vaðbrekku í Hrafnkelsdal frá vori 1922 til hausts 1971. Í bókinni, sem er 357 blaðsíður að stærð, eru margvíslegir textar, bæði frumsamdir og endurbirtir. Rakin er byggðasaga Vaðbrekku og birtir allmargir textar frá fyrri tíð. Þá er rakin búskaparsaga Aðalsteins og Ingibjargar. Birtir eru ýmsir textar eftir Aðalstein; frásagnaþættir, blaða- og tímaritsgreinar auk einnar fræðigreinar, og eftir Ingibjörgu birtist einn frásöguþáttur.

Leiðbeinandi verð: 5.900-.

Uppseld.

Útgáfuár: 2006

Leitin að landinu góða

leitin_ad

Jón Jónsson hét maður og var fæddur á Mýri í Bárðardal 1851. Kona hans var Kristjana Jónsdóttir frá Leifsstöðum í Kaupangsveit. Jón og Kristjana bjuggu á Mýri í Bárðardal frá árinu 1879 og eignuðust 11 börn sem upp komust. Vorið 1900 lést Kristjana í taugaveikifaraldri sem þá gekk í Bárðardal. Yngsta barnið var þá aðeins ársgamalt. Upp úr því, árið 1903, flutti Jón vestur til Kanada með öll börn sín nema elstu dótturina Aðalbjörgu, sem tók við búi hans á Mýri. Maður hennar var Jón Karlsson frá Stóruvöllum í Bárðardal. Jón gerðist fyrst landnemi í suðvestur \Manitoba, en tók sig enn upp vorið 1906 og fluttist vestur til Vatnabyggða í Saskathchewan. Þar voru hans heimkynni til dauðadags árið 1935.

Öll ár sín vestanhafs skrifaði Jón reglulega heim til Íslands, mest til dóttur sinnar og tengdasonar á Mýri, og er bréfasafn hans óhemjumikið að vöxtum. Þar segir hann fréttir af fólkinu í Vesturheimi og hefur uppi hugleiðingar um hvað kæmi Íslandi best, einkum íslenskum bændum. Hann var áfram um að kenna mönnum nýja tækni, en samtímis hafði hann þungar áhyggjur af pólitísku ástandi í heiminum. Bréf hans eru uppistaða þessarar bókar og eru þau magnaður vitnisburður um íslenska alþýðumenningu og íslenska alþjóðahyggju.

Uppseld.

Útgáfuár: 2006

Fall Berlínar 1945

fall_berlinarFall Berlínar 1945 er einstök bók um hrikaleg lok síðari heimsstyrjaldarinnar og örlög þúsund ára ríkis Hitlers. Antony Beevor, einn þekktasti sagnfræðingur okkar tíma, lýsir hér af nærfærni og list gangi innrásarinnar í Þýskaland úr austri og þeim mannlegu örlögum og hörmungum sem hún hafði í för með sér.

Uppseld.

Útgáfuár: 2006

Samsærið gegn Bandaríkjunum

samsaerid

Lykilatburðum er jafnan gefið mikið vægi í mannkynssögunni, rétt eins og í frásögnum og sögum. Einstaklingsörlög eru þannig tvinnuð saman við almenn örlög; söguhetjan ræður eða er látin ráða gangi sögunnar/Sögunnar. Hending hlýtur því að leika stórt hlutverk í mannkynssögunni og lítill atburður (jafnvel vængjasláttur fiðrildis?) getur leitt af sér gjörbreytta niðurstöðu eða ástand.

Í Samsærinu gegn Bandaríkjunum breytir höfundurinn gangi sögunnar með því að hnika til einum kosningaúrslitum í Bandaríkjunum í upphafi seinni heimstyrjaldar, nánar tiltekið í forsetakosningunum í nóvember 1940. Þessar kosningar vann frambjóðandi demókrataflokksins með yfirburðum og Franklin Delano Roosevelt (FDR) varð því fyrsti Bandaríkjaforseti til að sitja þrjú tímabil á valdastóli. Roosevelt lýsti eins og kunnugt er stríði á hendur Þjóðverjum og öxulveldunum og þátttaka Bandaríkjanna í seinni heimstyrjöld kom þar með í veg fyrir sigur nasista.

En hvað ef…? Hvað ef fulltrúi Repúblikanaflokksins hefði unnið téðar kosningar? Þar í flokki voru ýmsir hreint ekki fráhverfir röggsemi Hitlers; flokkurinn talaði í það minnsta gegn þátttöku í stríðinu. Það má því velta því fyrir sér hvort sigur þeirra í kosningunum 1940 hefði breytt gangi stríðsins. Hefðu fasískar einræðisstjórnir orðið ríkjandi stjórnarform í hinum vestræna heimi?

Í stað FDR kemur Roth, forsetaefni Repúblikana, í Hvíta húsið. Þetta er enginn annar en Charles A. Lindbergh flugkappi sem fyrstur flaug yfir Atlantshafið, frá New York til Parísar, á einþekjunni Spirit of St. Louis. Höfundur lætur s.s. Lindbergh mæta á hárréttri stundu á kosningafund Repúblikana í miðri frambjóðendakreppu; menn geta ekki komið sér saman um nokkurn frambjóðanda gegn FDR. Þá birtist Lindbergh, gengur inn salinn í fullum skrúða flugkappans og heillar fundinn (án þess að segja orð) gjörsamlega, frelsarinn kominn: „Lindy! Lindy! Lindy!“

Sagan í bókinni gerist fyrir rúmum 60 árum og er að mestu æskuminningar sögupersónunnar Philips Roths en sá er meira en lítið skyldur höfundinum (þetta er ekki í fyrsta sinn sem Roth setur sjálfan sig eða nafna sína á svið í skáldsögu). Sagan byggir á sannsögulegum atburðum og raunverulegum persónum, þekktum sem minna þekktum. Eins og áður segir þá hnikar Roth til atburðum til annars konar veraldarsögu. Í stuttu máli: Lindbergh (sem í raun dáði Hitler, þáði orðu þriðja ríkisins og var þekktur gyðingahatari) verður forseti og Bandaríkin fara nærri því að verða fasistaríki og gyðingaofsóknir hefjast af fullum krafti.

Samsærið gegn Bandaríkjunum er forvitnileg saga sem greinir frá fordómum, einkum gegn gyðingum. Sagan býður upp á skemmtilegar vangaveltur um sögulega atburði. En hún er líka umsögn um stjórnmálalegt ástand í heiminum í dag og sérstaklega um ástandið í Bandaríkjunum. Þessa stundina situr þar við stjórn maður sem er ekki minni lýðskrumari en Lindbergh í skáldsögunni, maður sem er hættulegur friði í heiminum og sem hefur þegar att fíflum á forað í Írak – kollegum sínum (t.d. forsætisráðherra Bretlands) og taglhnýtingum (t.d. f.v. forsætisráðherrum Íslands).

Leiðbeinandi verð: 4.380-.

Uppseld.

Útgáfuár: 2006

Saga biskupsstólanna

saga_biskups

Árið 2006 var þess minnst að þá voru liðin 950 ár frá stofnun biskupsstóls í Skálholti og 900 ár frá stofnun biskupsstóls á Hólum.  Einn liðurinn í þessum tímamótum var útgáfa stórvirkisins Saga biskupsstólanna.
Fáir staðir eru jafntengdir Íslandssögunni og biskupsstólarnir tveir, Skálholt og Hólar. Þar mynduðust snemma valdamiðstöðvar og má segja að landinu hafi verið stjórnað þaðan öldum saman. Þeir urðu efnahagsleg stórveldi og voru mótandi um andlegt líf landsmanna og menningu þjóðarinnar. SAGA BISKUPSSTÓLANNA er þjóðarsaga Íslendinga í nærfellt 1000 ár.
Uppseld.
Útgáfuár: 2006

Úr útiverunni: Gengið og skokkað

ur_utiverunniHér segir Bjarni E. Guðleifsson, náttúrufræðingur á Möðruvöllum í Hörgárdal, í einföldu máli frá langri reynslu sinni af göngum um fjöll og dali og skokki eftir þjóðvegum, borgarstrætum og óbyggðum. Hann dregur fram ýmis spaugileg atvik frá þessum ferli sínum en kemur jafnframt með þarfar hugleiðingar og gagnlegar ábendingar. Meðal annars er gerð grein fyrir göngugörpum, fjallasýki, íslenskukennslu náttúrunnar, Reykjavíkurmaraþoni og bilunareinkennum skokkarans. Texti bókarinnar er tvímælalaust til þess fallinn að hvetja fólk til útivistar og njóta þá hverrar einustu mínútu.

Leiðbeinandi verð: 2.280-.

Uppseld.

Útgáfuár: 2006

Náttúruskoðarinn II: Úr jurtaríkinu

natt_iiÞetta er önnur bókin í bókaflokknum Náttúruskoðarinn (sú fyrsta heitir Úr dýraríkinu).  Hér er víða komð við og fjallað í einföldum og auðskiljanlegum texta um jurtalíf, vilijurtir og nytjajurtir

Uppseld.

Útgáfuár: 2006
Eldra

Bókaútgáfan Hólar

Hagasel 14, 109 Reykjavík
Sími: 587 2619
Fax: 587 1180
Netfang: holar (hja) holabok.is