Nýjasta útgáfa Hóla



Ævintýraför Stubbs og Stubbulínu í Stafalandið (lestrarkennsluaðferðin sjáðu – heyrðu – finndu)

kapa_stafirnir.indd

Í þessari bók dr. Valdísar Ingibjargar Jónsdóttur, kennarar og heyrnar- og talmeinafræðings, er kynnt lestrarkennsluaðferð sem leitast við að persónugera stafina og hljóðin og sveipa þannig innlögnina þeim ævintýrablæ sem höfðað gæti til barna. Stubbur og Stubbalína eru lítil kríli sem fundu stafabók, sem í þeirra augum var bara full af alls konar krassi og kroti sem þau skildu ekkert í. Þau fengu því þá snjöllu hugmynd að fara í Stafalandið þar sem allir stafirnir eiga heima og læra að þekkja þá og hljóðin þeirra svo þau gætu nú skilið hvað skrifað var í þessa ágætu stafabók þeirra. Í Stafalandinu hitta þau stafina einn af öðrum og fá að vita hvað þeir heita. Jafnframt fá þau að vita að hver stafur á sitt sérstaka hljóð sem oft líkist þeim hljóðum sem við sjálf gefum frá okkur undir ýmsum kringumstæðum. Þar má nefna hljóð eins og:

/ s / (S) sem við gefum frá okkur sem hvæshljóð þegar við erum reið.

/ eí / (EY, EI) sem í raun eru gleðihljóð og geta heyrst í skríkjum.

/ m / (M) sem við gefum frá okkur þegar okkur finnst eitthvað gott.

/ a / (A) sem við gefum frá okkur þegar við erum þreytt.

/ o / (O) sem við gefum frá okkur í óþolinmæðisköstum.

/aú / (Á), / oú / (Ó), / aí / (Æ) sem eru sársaukahljóðin.

Það er þekkt að við eigum auðveldara með að læra og festa í minni ef við getum fundið einhver tengsl milli þess sem við erum að læra og þess
sem við þegar þekkjum.

Leiðbeinandi verð: 6.980-.

Útgáfuár: 2021

Fuglar á Íslandi og árstíðirnar fjórar – FUGLADAGBÓKIN 2022

fugladagbok_kapa.inddÞetta er tvímælalaust fallegasta dagbókin sem komið hefur út á Íslandi og þá með fullri virðingu fyrir öðrum, enda er hér um sannkallaða LISTAVERKA-DAGBÓK að ræða – prýdd fjölda glæsilegra ljósmynda af fuglum og margþættum fróðleik um 52 af þeim tegundum af rúmlega 400, sem talið er að hafi sést á Íslandi frá upphafi skráningar. Í bókinni er að finna eyðublað fyrir hverja viku ársins, þar sem m.a. er hægt að skrá niður hvaða fuglategundir sjáist þennan eða hinn daginn, hvernig viðrar og svo framvegis. Auðvitað má svo einnig nota bókina eins og hefðbundna dagbók þar sem fólk skráir eitt og annað hjá sér.

Leiðbeinandi verð: 7.380-.

Útgáfuár: 2021

Instagram

Bókaútgáfan Hólar er mætt á Instagram. Þú finnur hana undir bokautgafan_holar. Endilega skelltu í „add“ og fylgstu með skemmtilegum innslögum!

Sunnudagur 3. október 2021

Spæjarahundurinn

Spæjarahundurinn - lítilHvað eftir annað hefur Spæjarahundurinn aðstoðað lögregluna víða um heim við að leysa hin erfiðustu mál og koma þjófum og bófum á bak við lás og slá. Og nú er hann staddur í Bjartabæ. Hann birtist þar óvænt og það ekki af góðu. Hann er á eftir glæpamönnum sem vilja ráða yfir öllum heiminum og svífast einskis til að svo megi verða. Ljóst er að Lauga lögga þarf á öllum kröftum hans og klókindum að halda í baráttunni við þá.

Spæjarahundurinn hefur oft komsti í hann krappann, en þó aldrei eins og núna. Hann þarf að taka á öllu sínu – og jafnvel meiru til – ef ekki á illa að fara. En hvaðan kemur það?

Ævintýrið um Spæjarahundinn er bæði skemmtilegt og spennandi, prýtt mögnuðum teikningum hins snjalla listamanns, Halldórs Baldurssonar.

Leiðbeinandi verð: 4.380-.

Útgáfuár: 2021

Fimmaurabrandarar 3

Fimmaurabrandarar 3 - lítilÞegar Aðalbjörg svarar ekki í símann hringi ég í Varabjörgu. * Ein af flugvélum Icelandair er svo gömul að hún er með útikamar. * Ef ég villist á leiðinni að Heilsuhælinu í Hveragerði er ég þá hælisleitandi. * Ég fékk mér bjór í gærkvöldi. Í morgun var hann búinn að naga alla girðinguna. * Hvort er útrunnið eitur hættulegra eða hættuminna? * Í gær ætlaði ég að segja góðan brandara um IKEA en ég er enn að setja hann saman.

Í þessari bráðskemmtilegu bók er hvert gullkornið af öðru, en hún byggir á bröndurum af Facebook-síðu Fimmaurabrandara-fjelagsins sem nýtur mikilla vinsælda og ekki að ástæðulausu.

Leiðbeinandi verð: 2.680-.

Útgáfuár: 2021

Fótboltaspurningar 2021

kapa_fotboltaspurn_21.inddHver var aðalmarkmaður Ítala á EM 2020? Hvert er eina félagið sem systkinin Margrét Lára, Bjarni Geir, Sindri og Elísa Viðarsbörn hafa öll leikið með? Hvaða félag hét upphaflega Knattspyrnufélag Seláss og Árbæjar? Hvaða leikmaður Manchester United vakti árið 2020 athygli fyrir herferð sem hann hóf og gekk út á að tryggja börnum ókeypis skólamáltíðir í Covid-fárinu? Hvers son er Böddi löpp? Argentína varð Suður-Ameríkumeistari landsliða árið 2021 eftir 1-0 sigur á Brasilíu í úrslitaleiknum. Hver skoraði sigurmarkið?

Þetta og margt fleira er að finna í þessari bráðskemmtilegu bók sem ungir og aldnir og allir þar á milli ættu að geta haft gaman af.

Koma svo!

Leiðbeinandi verð: 1.790-.

Útgáfuár: 2021

Ekki var það illa meint – Ljóð og lausavísur eftir Hjálmar Freysteinsson

Ekki var það illa meintMývetningurinn Hjálmar Freysteinsson (1943-2020), lengi heimilislæknir á Akureyri, var fyrst og fremst skáld hlátursins og gleðinnar. Hann hafði frá fyrstu tíð lag á að sjá hliðar á málum sem aðrir sáu ekki og draga fram sjónarhorn sem sem kom hressilega á óvart.

Í þessari bók eru 700 lausavísur eftir Hjálmar og um 40 kvæði. Auk þess nótur að tveimur lögum sem hafa verið samin við ljóð eftir hann.

Leiðbeinandi verð: 7.480-.

Útgáfuár: 2021

Spurningabókin 2021 – Hvað hafa kanínur margar framtennur?

Spurningabókin 2021Hvaða ávöxtur er einkennismerki tölvurisans Macintosh? Í hvaða sjónvarpsþætti, haustið 2020, fengu áhorfendur að kynnast Bjössa sax? Hverrar þjóðar er knattspyrnumaðurinn Robert Lewandowski? Hvað fær fólk úr kókómjólk ef marka má auglýsinguna?

Þessar spurningar og fjölmargar aðrar eru í þessari stórskemmtilegu bók sem ætti að vera til á hverju heimili, í hverjum skóla og þess vegna bara alls staðar.

Leiðbeinandi verð: 1.690-.

Útgáfuár: 2021

Papa Jazz allur

Um miðjan þennan mánuð lést Guðmundur Steingrimsson – Papa Jazz. Hann var afar snjall trommuleikari og einn af brautryðjendum djassins hér á landi; lék með fjölda hljómsveita og kenndi ýmsum þá list sem vandaður trommuleikur er.

Árið 2009 kom út hjá Bókaútgáfunni Hólum ævisaga Guðmundar og ber hún einfaldlega heitið Papa Jazz. Það var Árni Matthíasson sem skráði og má fullyrða hér og nú að samvinna þeirra félaga hafi orðið til þess að margvíslegur fróðleikur um tónlistarlífið á Íslandi varðveitist um ókomin ár og þá ekki síst það sem snýr að jazzinum.

Undirritaður kynntist Guðmundi vel á þessum árum og ræddum við um heima og geima, meira að segja um knattspyrnu, en Papa Jazz var stuðningsmaður Leeds og fylgdist ágætlega með boltasparkinu. Þess utan var hann mikill sögubrunnur um menn og málefni og var virkilega gaman að hlusta á hann segja frá. Hann kunni óteljandi sögur, fæstar máttu auðvitað fara eitthvað lengra, en hann sagði þær og aðrar einnig af slíkri snilld að unun var af.

Blessuð sé minning Papa Jazz.

Guðjón Ingi Eiríksson.

Sunnudagur 18. apríl 2021
Eldra

Bókaútgáfan Hólar

Hagasel 14, 109 Reykjavík
Sími: 587 2619
Fax: 587 1180
Netfang: holar (hja) holabok.is